坐廉航，delay算等閒，更壞的情況是凌晨才到步。

這次旅程，到達曼谷機場已接近當地時間的半夜三點，

如果辦妥入境手續、領回行李再出市區，天都光。

旅行應該舒舒服服，為免第一天便睡眠不足，我們決定在機場附近過一晚。

經過早前一大輪資料搜集後，選定了The Cottage Suvarnabhumi。

離機場只有5分鐘、包接送、房間乾淨企理整齊，

更重要是價錢合理，一夜大約HKD 300多少少，但可惜價格未包早餐。

坦白講，個人但求簡單過一晚，沒太大期望，不過這次的住宿卻令我意外地比預期中更滿意。

酒店設施齊備、房間佈置尚算有心思，員工亦很helpful。

以下一齊睇睇相，有圖有真相。（笑）

2012.5.18

Trip to Bangkok



今次其實已經第四次到曼谷，但每一次都依然興奮，以下就和大家分享這六天的行程。
這次在廣州飛，由於機票早前大半年前已買定，所以非常抵，

來回機票連稅連 35g 行李運費，RMB1000 有找，呵呵呵。

呢個就係廣州機場喇，好新好大，外貌工程好高分。



到左曼谷一定唔少得食泰國菜，在酒店附近搵左一間貌似唔錯的餐廳，

由於太地道，一打開全泰文，不過唔怕，看圖點菜也難不到我（笑）

椰汁、蝦餅、沙律、大蝦、冬蔭功，

加埋只不過 HKD150，好開心。



 食飽後，急不及待坐酒店的免費 TUK TUK 到 JJ Market，

JJ Market 亦即翟道翟周未跳蚤市場，超級大，

包羅萬有，足已令我瘋狂，是每次到曼谷的必去之處。

不過老老實實，今次去發現貨類已大不如前，

不過仍可消磨一天時間。



呢間係 JJ Market 中令我印象最深的店，所有的頭花品質好高，而且好獨特，

不過由於唔平，所以最後只買左一朵。

老闆好好人，任由我們拍照留念。



第二日繼續買買食食，行行 Siam 區，做做 Massage，快樂地過一日。



返到酒店點算一下戰利品，頭兩日已經買左咁多野，

泰國物價雖然比以前高左好多，但依然好平，

買買買，分分鐘可以慳到機票錢，嘿嘿嘿。



為左令今次的旅程唔好變左只得購物，所以第三天我們出發到華欣，

享受陽光與海灘。

好多攻略寫曼谷離華欣的車程只是一個多小時，

但我告訴你，是呃人的！

正確的車程，大約要兩個半小時，

在曼谷坐 BTS 到 Victory Monument 站，

出站後便見到很多到各個海灘的 Mini Van，

180BHT 一位，差不多半小時就有一班車，非常方便。



華欣的海灘唔算靚，但勝在平日人少，

可以好好享受悠閒慢活的海岸生活。



在華欣有好多食肆選擇，不過個人覺得食海鮮最正，

我連續兩日都在同一間餐廳食飯，因為平靚正！

每到食飯時間，呢度一定坐滿外國人。

以下的兩餐，平均每餐只是 HKD200 左右，係唔係好抵呢？

呢間野叫 Chaolay，就在岸邊，

如果下次各位網友有機會去華欣，記得去試下，推薦！




第五日返到曼谷已經傍晚，於是去左上年新落成的 Shopping Mall，

就是 Terminal 21 喇~坐 BTS 到 Asok 就得。



離開曼谷前，我決定到藝術館參觀，

這位於 BTS 的 National Stadium 站，

Bangkok Art and Culture Centre

感覺不錯。



離開泰國前，吃了芒果糯米飯，開心～



第一次坐 Air Asia 的機，當然不算很好，

但以這樣的價錢，還可以接受，

不過，下次，我都係決定俾多幾百，坐好少少。

無論何時何地，櫃窗中的Macaron總能吸引我的視線。 

圓圓的、七彩的小杏仁餅，似乎擁有魔力。

 提到Macaron，大家必會聯想到法國， 而在法國，提起Macaron，大部分人都會聯想到Laduree。 

Laduree是巴黎出名的高級甜品店，開店至今已超過一百五十多年，已成為Macaron界的一哥。 

記得當年我在巴黎，全因看到甜品店外的人龍，便跟著排隊，回港後翻查資料，才知道它的名氣。

（我承認我是一個愛排隊的港女）（笑） 

早前好友M到巴黎旅遊，出發前我向她介紹了當地的景點、購物資料， 當然亦囑咐她一定要到Laduree朝聖， 回港後，她帶了一盒Laduree的Macaron給我。

好開心呀！ 華麗的包裝，充滿浪漫古典的氣息。

這次到漢中旅行住在「金江大酒店」。

在登記入住的那一刻，我被酒店餐廳的poster吸引了視線。酒店方面因應油菜花節，推出了一系列的漢中特色美食。於是，便預留了一個晚上在酒店裡吃飯。

東奔西走看油菜花看了一整天，當然要好好慰勞自己（笑）。結果就點了八樣點心小菜另加一個湯。

搵食是旅行重要的一環。

難得到漢中一遊，當然要試試反映當地文化的特色美食。

這裡不算是旅遊熱門地點，菜式亦不算精緻，不過卻帶有樸實的農家感覺，以清淡為主。

漢中的小食街在前進路，提到小吃，漢中隨處都看到上圖的「肉夾饃」。